Grunnstillingar—litur og lýsing stillt
Til að gera myndavélinni kleift að greina betur liti
og lýsingu eða til að bæta inn áhrifum í myndir eða
hreyfimyndir skaltu nota skruntakkann til að fletta
gegnum tækjastikuna og velja úr eftirfarandi valkostum:
Ljósgjafi
—Veldu ljósgjafa af listanum. Þetta gerir
myndavélinni kleift að endurskapa liti af meiri nákvæmni.
Leiðrétting við myndatöku
(aðeins fyrir kyrrmyndir)—
Stilltu leiðréttingu á lýsingu myndavélarinnar.
Flass
—Veldu tiltekna flassstillingu. Sjá „Flass“ á bls. 54.
Litáferð
—Veldu litáferð af listanum.
Ljósnæmi
(aðeins fyrir kyrrmyndir)—Veldu ljósnæmi
myndavélarinnar. Því dimmara sem umhverfið er þeim
mun meira ætti ljósnæmið að vera.
Skjárinn breytist eftir því hvaða stillingar eru valdar
og sýnir hvernig lokaútkoma myndarinnar eða
hreyfimyndarinnar verður.
Hvaða stillingar eru í boði veltur á því hvaða myndavél
hefur verið valin.
Þegar stillingum fremri myndavélarinnar er breytt hefur
það ekki áhrif á stillingar aðalmyndavélarinnar og öfugt.
Uppsetningarstillingar hvorrar myndavélar virka hins vegar
bæði fyrir myndir og hreyfimyndir. Þegar myndavélinni
er lokað eru sjálfgefnar stillingar hennar valdar aftur.
Ef þú velur nýtt umhverfi kemur það í stað lita- og
birtustillinganna. Sjá „Umhverfi“ á bls. 54. Hægt er að
breyta stillingunum ef þörf krefur eftir að umhverfi hefur
verið valið.